"Реал Мадрид" бош мураббийи Карло Анчелотти жамоанинг юлдуз ҳужумчиси Винисиус Жуниордан норози. Goal нашрининг Sport нашрига таяниб ёзишича, Анчелотти бразилиялик футболчи ҳаттоки ҳакамлар "Лос Бланкос"га қарши қарор қабул қилганда ҳам унинг хотиржамликни сақлаш ҳақидаги маслаҳатига эътибор бермаслигидан хафа.
Винисиус бу мавсумда ҳакам билан баҳслашгани учун учта сариқ карточка олган. Бу Анчелоттини хавотирга солмоқда, чунки италиялик ҳар доим интизом ва профессионалликка катта аҳамият бериб келган. Карло аллақачон Винисиус билан суҳбатлашган эди, аммо бу футболчининг майдондаги хатти-ҳаракатларига сезиларли таъсир кўрсатмади.
