"Real Madrid" bosh murabbiyi Karlo Anchelotti jamoaning yulduz hujumchisi Vinisius Juniordan norozi. Goal nashrining Sport nashriga tayanib yozishicha, Anchelotti braziliyalik futbolchi hattoki hakamlar "Los Blankos"ga qarshi qaror qabul qilganda ham uning xotirjamlikni saqlash haqidagi maslahatiga e’tibor bermasligidan xafa.
Vinisius bu mavsumda hakam bilan bahslashgani uchun uchta sariq kartochka olgan. Bu Anchelottini xavotirga solmoqda, chunki italiyalik har doim intizom va professionallikka katta ahamiyat berib kelgan. Karlo allaqachon Vinisius bilan suhbatlashgan edi, ammo bu futbolchining maydondagi xatti-harakatlariga sezilarli ta’sir ko‘rsatmadi.
