"Арсенал" ва Англия терма жамоасининг собиқ ҳужумчиси Тео Уолкотт "канонирлар" ярим ҳимоячиси Этан Нванерининг ўйинига муносабат билдирди.

17 ёшли футболчи кубок ўйинида иштирок этди. "Болтон"га қарши ўйинда Этан "канонирлар"нинг асосий таркибида илк бор майдонга тушди.

Қолаверса, дублга эриша олди. Якуний ҳисоб 5:1. "Арсенал"да сезиларли из қолдирган машҳур собиқ ҳужумчи Тео Уолкотт барчага янги юлдузнинг юксалишини кузатишни тавсия қилди.

"Мен Этанни томоша қилишни интиқлик билан кутяпман. У мавсумолди жараёнларида катта таассурот қолдирди.

Унинг энергияси ҳамма жойда асқатади, у яхши йигит, шунинг учун уни кузатиб боришади", - деди Уолкотт.