"Ливерпуль" ярим ҳимоячиси Доминик Собослаи тез-тез голларда иширок этишга умид қилмоқда.
Яқинда "қизиллар" бош мураббийи Арне Слот венгердан кўпроқ гол ва голли узатма кутишини тан олди. 23 ёшли ярим ҳимоячининг ўзи ҳам худди шундай талабларни ўзига қўймоқда.
"Албатта, мен кўпроқ гол уришни ва тез-тез голли узатма беришни хоҳлайман. Умид қиламанки, жамоадошларимга голли вазиятлар яратсам, улар бундан унумли фойдаланишади. Менинг ролим ўтган мавсумдагидан бироз фарқ қилади, лекин мен жамоа учун қўлимдан келганини қилишда давом этаман", - дея футболчининг сўзларини келтиради Anything Liverpool.
