Британиялик профессионал боксчи, супероғир вазн тоифасида собиқ WBC чемпиони Тайсон Фьюри фаолиятини якунлаш ҳақида ўйлаганини айтди.
"Қулоқ солинг, мен реваншни рад этиш ҳақида ўйладим. Нима демоқчи эканимни тушунаётган бўлсангиз керак, мен боксни тарк этаман.
Уйда қолиш, қаҳва ичиш, тушлик қилиш, болаларни мактабга олиб бориш ва олиб келиш каби ишлар бор. Хоҳлаган ишимни қила оламан. Менга энди бокс керак эмас! Энди бошимга зарба ўтказиб юборишим ёки кимнидир уришим шарт эмас", деди Фьюри.
Маълумот учун, унинг украиналик Александр Усикка қарши реванш жанги 21 декабрь куни бўлиб ўтиши керак.
