"Бавария" президенти Герберт Хайнер ярим ҳимоячи Жошуа Киммихнинг келажаги ҳақида гапирди.
29 ёшли футболчи жорий мавсум якунланганидан кейин тугайдиган шартномасини ҳали узайтиргани йўқ.
"Киммих "Бавария" сардори бўлиши мумкинми? Нега йўқ? У аллақачон Германия терма жамоаси учун сардорлик боғичини таққан ва бу роль унга жуда мос келади.
Албатта, уни клубимизда олиб қолишга ҳаракат қиламиз. Биз уни қанчалик қадрлашимизни жуда яхши биласиз ва буни унга қайта-қайта айтамиз. Менимча, у "Бавария"да жуда қулай. У ажойиб ўйнайди ва доимо яхшиланади. Мен унинг фаолиятини бир кун келиб шу ерда якунлашини истардим", - деди Хайнер.
