Лондоннинг "Арсенал" клуби ҳимоячиси Риккардо Калафьори Англияга ўтиш қароридан мамнун эканлигини тан олди.
Италиялик футболчи ўтган ёзда "Канонирлар" сафига "Болонья"дан кўчиб ўтганди. 22 ёшли футболчи "Арсенал" сафида бешта ўйин ўтказиб, битта гол урган.
"Ҳукм қилиш учун ҳали эрта бўлиши мумкин, лекин мен ҳақиқатан ҳам ижобий таассурот қолдирдим деб ўйлайман. Жамоадошларим ва клубда ишлайдиганлар туфайли мен жуда яхши мослашдим. Англияга кўчиб ўтиш - фаолиятим учун тўғри қадам", - дея трансфери "Арсенал"га 45 миллион еврога тушган Калафьоридан иқтибос келтиради Football Italia.
