"Ноттингем Форест" ярим ҳимоячиси Каллум Хадсон-Одои "Челси"ни тарк этганини эслади.
Англиялик футболчи "кўклар" сафидаги фаолиятини ёрқин бошлади, аммо кейинчалик унга билдирилган умидларни оқлай олмади. Ўтган йили Лондон гранди ўз тарбияланувчисини "ўрмончилар"га 3,5 миллион еврога сотганди.
"Челси"да менда етарлича имкониятлар бор эди, мен кўп ўйин ўтказдим. Бир пайт мен бу ҳақда ўйладим ва буларнинг барчаси ажойиб эканлигини англадим, лекин кетиш вақти келганди. Бу муҳим ва тўғри қарор эди.
Қачон қандай ҳаракат қилиш вақти келганини тушунишингиз керак. Бу ҳолатда мен ҳақиқатан ҳам "Челси"ни тарк этишим керак эди. Бу ёмон нарса эмас - футболдан завқ олишим учун ўзимни топишим керак эди", - деди Хадсон-Одои.
