Ўзбекистонлик гроссмейстер Нодирбек Абдусатторов Будапештдаги Бутунжаҳон шахмат олимпиадасидан сўнг дам олишга улгурмасдан Озарбойжондаги турнирда иштирок этишга улгурди. Ҳамюртимиз Вугар Гашимов хотирасига бағишлаб ўтказилган мусобақада 2-ўринни эгаллади.

Халқаро турнирда жами 8 нафар спортчи иштирок этди. Унда шахматчилар рапид ва блиц йўналишларида баҳсларда иштирок этишди. Дастлабки икки кунда шахматчилар рапид бўйича ўзаро бир мартадан тўқнаш келишди. Нодирбек 7 ўйинда 8 очко тўплади (ғалабага 2 очко, дурангга 1 очко берилди).

Блиц баҳсларида эса ҳамюртимиз 14 ўйинда 10 очко тўплади (ғалабага 1 очко, дурангга 0,5 балл берилди).

Абдусатторов жами 18 очко тўплади ва 2-ўринни эгаллади. Россиялик Ян Непомняшчий 19 очко билан ғолибликни қўлга киритди.

1. Ян Непомняшчий (Россия) — 19 очко
2. Нодирбек Абдусатторов (Ўзбекистон) — 18 очко
3. Шаҳриёр Мамедяров (Озарбойжон) — 16 очко
4. Владислав Артемиев (Россия) — 14,5 очко
5. Айдин Сулейманли (Озарбойжон) — 13,5 очко
6. Аравиндҳ Читамбарам (Ҳиндистон) — 13 очко
7. Рауф Мамадов (Озарбойжон) — 9 очко
8. Ричард Раппорт (Венгрия)  — 9 очко.