"Манчестер Юнайтед" бу мавсумда АПЛда кўп гол ура олмаяпти.
Бугун "Манчестер Юнайтед" 6-тур ўйинида "Олд Траффорд"да "Тоттенхэм"га йирик ҳисобда мағлуб бўлди (0:3), Бруно Фернандеш четлатилганидан кейин улар озчиликда қолди.
Мавсум бошидан бери "манкунианликлар" чемпионатда бор йўғи 5 та гол уришди - энг ёмон кўрсаткич фақат 2 та голга эга "Саутгемптон"да.
6 турдан кейин “МЮ”нинг тўплар фарқи минус 3 тага етди, жамоа турнир жадвалида 12-ўринда бормоқда.
Юқори ўринларни эгаллаган жамоалар орасида фақат "Брентфорд"да салбий тўплар фарқи бор – минус 2.
