Миш-мишларга кўра, "Манчестер Сити" ҳимоячиси Кайл Уокернинг турмуш ўртоғи Энни Килнер бузилиб бораётган никоҳини сақлаб қолиш учун футболчидан 15 миллион фунт стерлинг (тахминан 20 миллион доллар) талаб қилмоқда.
Англия терма жамоаси футболчиси Уокер "Love Island" собиқ реалити юлдузи Лорин Гудмандан иккита ноқонуний фарзанди бўлганидан кейин Килнер билан муносабатларини тиклашга ҳаракат қилмоқда. У аввалроқ "аҳмоқона қарорлар" қилганини тан олган эди.
The Sun нашрининг ёзишича, Килнер турмуш ўртоғи билан ажрашиш эҳтимолидан олдин юридик маслаҳат сўраган. Эр-хотин бирга қолса ҳам, Уокер тобора кескинлашиб бораётган муносабатларни сақлаб қолиш учун 27 миллион фунт стерлинг (36 миллион доллар) миқдоридаги бойлигининг ярмини сарфлаши керак бўлади.
Уокер биринчи марта собиқ севгилиси Гудман билан 2019 йилда Килнердан ажралиш пайтида учрашган. 2020 йил апрель ойида улар ўғил кўрдилар, 2023 йил августида эса навбатдаги интригадан сўнг қизи туғилди.
