Эрик тен Хаг яқин келажакда "Манчестер Юнайтед"даги ишидан айрилиши мумкин. Жамоанинг қониқарсиз натижалари туфайли нидерландиялик мутахассис босим остида. Миш-мишларга кўра, тен Хагнинг истеъфоси бўйича қарор октябрь ойидаги терма жамоа ўйинлари учун танаффус вақтида қабул қилиниши мумкин.

Transfer News Live нашрининг Daily Star нашрига таяниб хабар беришича, агар тен Хаг истеъфога чиқарилса, Симоне Индзаги "Манчестер Юнайтед" бош мураббийлигига жиддий номзод бўлади.

Ҳозирда ушбу мутахассис "Интер"га устозлик қилмоқда. "Манчестер Юнайтед" айни дамда АПЛ турнир жадвалида 12-ўринни эгаллаб турибди.