Яқин вақтгача “Милан”да тўп тепган франциялик ҳужумчи Оливье Жиру клуб ҳақида қайғуришда давом этмоқда.
Уни “Милан”нинг сўнгги муваффақияти, дербидаги ғалаба ва “Лечче”га қарши ўйинда йирик ғалабага эришгани руҳлантирди.
Энди Жиру икки йил олдин чемпионликни қўлга киритган жамоани кўраётганига ишонади.
"Клуб ажойиб трансфер кампаниясини ўтказди. Скудетто учун кураш мумкинми ёки йўқми, бир ойдан кейин менга аниқроқ бўлади.
Аммо мен 2022-йилда чемпионлик унвонини қўлга киритган “Милан”га ўхшаш нарсани кўряпман”, — дея Жирунинг сўзларини келтиради pianetamilan.it.
