"Ан-Наср" ва Португалия терма жамоаси ҳужумчиси Криштиану Роналду профессионал фаолиятида қолган вақтлари ҳақида гапирди ва шунингдек, у учун энг яхши футболчи бўлиш энди муҳим эмаслигини айтди.
"Ҳозирда мен футболдан завқланяпман, чунки майдонда кўп вақтим қолмаганини биламан. Ҳозир мен учун энг яхши футболчи бўлиш ёки соврин ютиш муҳим эмас. Энди мен учун дам олиш ва жамоамга ёрдам бериш муҳим", - дея Роналдунинг сўзларини келтиради журналист Фабрицио Романо.
Жорий мавсумда 39 ёшли Роналду барча мусобақаларда еттита ўйинда қатнашиб, олтита гол ва иккита голли узатмани амалга оширди.
