Франция терма жамоасининг собиқ ҳужумчиси Тьерри Анри "Арсенал" - "ПСЖ" учрашуви натижаси ҳақида фикр билдирди. Учрашувда “канонирлар” 2:0 ҳисобида зафар қучди.
Анрининг фикрича, француз грандининг ҳужумда креативлиги кам. Бунга Килиан Мбаппенинг жамоани тарк этгани сабаб бўлди. Марко Верратти ўрнига ҳалигача идеал ўринбосар топилмади, Усмон Дембеле эса бош мураббий Луис Энрикенинг қарори туфайли майдонга тушмади.
"Ҳа, жамоа мувозанатлироқ, ғоя борлиги аниқ. Лекин жарима майдончаси ва унинг атрофида кам кўрдик. Бу ерда ўйинчилар тўпни назорат қилишдан бошқа нима қила олишларини тўлиқ билмаганга ўхшайди", - дейди Анри.
