"Реал"нинг таниқли собиқ футболчиси Предраг Миятович Чемпионлар лигасининг 2-турида "Лилл"дан учралган мағлубият (0:1) ҳақида фикр билдирди.
"Тўғрисини айтсам, "Реал"нинг ярим ҳимоядаги ўйини менда яхши таасуроот қолдирмади. "Лилль" билан ўйинда муаммо айнан ярим ҳимояда бўлган деб ўйлайман. Бу ярим ҳимоячилар жисмонан яхши, лекин уларда ижодкорлик етишмайди. Мен у ерда Модрични соғиндим, Кроос эса энди клубда эмас. Менимча, Тчуамени, Камавинга ва Вальверде жуда кўп мушак ва тўп билан жуда қўпол. Ўйлайманки, бу ярим ҳимоя варианти "Реал"га мос келмайди", - деди Миятович Cadena SER телеканалида.
