Хаби Алонсо "Байер" бош мураббийи сифатидаги 100-учрашуви олдидан ўз фикрларини билдирди.
"Кўп нарса содир бўлди, биз бирга кўп нарсаларни бошдан кечирдик. Жамоа ва умуман клуб ҳайратланарли даражада ривожланмоқда ва мен бу жараённинг бир қисми эканлигимдан фахрланаман. Мен кўп нарсани ўргандим ва баъзида жуда қийин бўлди. Айниқса, биринчи ойларни унутмайман.
Умид қиламанки, биз шанба куни ғалабани бирга нишонлаймиз", - деди Алонсо.
Бугун Бундеслиганинг 6-турида "Байер" ўз майдонида "Хольштейн Киль"ни қабул қилади.
Испаниялик мутахассис қўл остида 99 учрашувда леверкузенликлар 67 ғалаба қозонган, 20 марта дуранг ўйнаган ва 12 марта мағлубият аламини тотиб кўрган.
