"Манчестер Юнайтед" кетма-кет 5та ўйиндан бери ғалаба қозона олмаяпти.

Премьер-лиганинг 7-тури доирасидаги ўйинда Эрик тен Хаг шогирдлари “Астон Вилла” билан дуранг ўйнади (0:0).

"Манчестер Юнайтед" барча мусобақаларда сўнгги бешта ўйинда ғалаба қозона олмади. Уларда тўртта дуранг (иккитаси Англия чемпионати ва иккитаси Европа лигасида) ва битта мағлубият – “Тоттенхэм”дан 0:3.

Жамоанинг сўнгги ғалабаси 17 сентябрь куни бўлиб, Лига кубогида "Барнсли" устидан қозонилган (7:0).

"Манчестер Юнайтед" 7 турда 8 очко жамғариб, чемпионатда 14-ўринда бормоқда.