"Бавария" бош мураббийи Венсан Компани жароҳатлар ҳақидаги саволга жавоб берди.
Шанба куни бўлиб ўтган Бундеслига доирасидаги "Айнтрахт"га (3:3) қарши ўйинда мюнхенликлар устози жароҳат олган Харри Кейн ва Дайо Упамеканони алмаштиришга мажбур бўлди.
"Харрининг жароҳати ҳақида гапиришга ҳали эрта. Умид қиламанки, ҳеч қандай жиддий нарса йўқ ва Упамекано учун ҳам худди шундай. Бу ҳафта биз учун ҳақиқий синов бўлди, шундай кучли рақибларга қарши учта ўйинда устунлик қилдик. Энди биз футболчиларни оптимал ҳолатга қайтаришимиз керак. Умид қиламанки, ҳамма яхши бўлади", - деди Компани.
