"Челси" бош мураббийи Энцо Мареска жамоанинг АПЛ турнир жадвалидаги ўрнидан мамнун эканлигини тан олди.
Якшанба куни "кўклар" ўз майдонида "Ноттингем Форест" билан очко бўлишди (1:1), аммо етти турдан кейин тўртинчи ўринни сақлаб қолди. Пешқадам "Ливерпуль" билан орадаги фарқ 4 очко.
"Агар улар мавсум бошида биз ҳозир 4-ўринда бўламиз, деб айтишса, бунга ишонишимиз қийин бўларди. Мухлисларга ҳозирги жадвал ёқади ва лаҳзадан завқ олишлари мумкин. Бизга келсак, вазиятни яхшилаш йўлларига эътибор қаратишимиз керак", - дея италияликнинг сўзларидан иқтибос келтиради "Челси" матбуот хизмати.
