Миланнинг "Интер" клуби бош мураббийи Симоне Индзаги нима учун "Манчестер Юнайтед"га номзод сифатида кўрилаётганини тушунмаяпти.

"Қизил иблислар"нинг мавсум бошидаги ёмон натижалари туфайли Эрик тен Хаг шу ойдаёқ истеъфога чиқарилиши мумкин. Нидерландиялик мураббийнинг ўрнига асосий номзодлар орасида "нерадзуррилар" билан муваффақиятга эришган Индзаги ҳам бор эди. Журналист Девид Орнштейннинг ёзишича, аслида италиялик мутахассис "Манчестер Юнайтед"дан ҳеч қандай таклиф олмаган. Миш-мишлар мутахассисни ҳайратда қолдирди - у ҳатто инглиз тилини ҳам билмайди.

Симоне Индзагининг "Интер" билан шартномаси 2026/27 йилги мавсум охиригача амал қилади.