Ижтимоий тармоқларда Остон Ўрунов жароҳат сабаб Ўзбекистон миллий жамоасининг 2 ўйинини ўтказиб юбориши мумкинлиги ҳақида хабарлар тарқалган эди.
Ўзбекистон футбол ассоциацияси медиа департаменти раҳбари Даврон Файзиевнинг хабар қилишича, футболчининг иштироки ҳақида аниқ маълумот мавжуд эмас.
“Ўрунов бўйича аниқ бир нима деёлмаймиз. Унинг бўлажак баҳсларда иштирок этиш-этмаслиги номаълум, бироқ уни майдонга тушиш эҳтимоли ҳам йўқ эмас”, дейди Файзиев.
Остон Ўрунов “Персеполис”нинг “Чадормалу” жамоасига қарши учрашувнинг асосий таркибидан жой олган эди. Аммо ўйинолди машғулотларда жароҳат олган ўзбекистонлик ҳужумчи ўз ўрнини бошқа футболчига бўшатиб берган. Эрон журналистлари унинг 3-4 ҳафтага сафдан чиққанини маълум қилганди.
