"Манчестер Юнайтед" бош мураббийи Эрик Тен Хаг клуб раҳбарияти билан бир-бирини тўлиқ тушунишга ишонтирди.
Якшанба куни Тен Хаг шогирдлари "Астон Вилла"га қарши голсиз ўйин ўтказган "Вилла Парк"да "МЮ"нинг бутун юқори раҳбарияти, сэр Жим Рэтклифф, сэр Дейв Брэйлсфорд, Омар Беррада, Дэн Эшуорт, Жейсон Уилкокс ва ҳаттоки сэр Алекс Фергюсон ҳам бор эди.
Миш-мишларга кўра, "МЮ" раҳбарлари сешанба куни Тен Хагни ишдан бўшатиш масаласини муҳокама қилиш учун учрашадилар, аммо Эрик унинг раҳбарият билан муносабатлари силлиқ эканлигини таъкидламоқда.
"Биз доим гаплашамиз. Ҳар ҳафта гаплашамиз. Биз бир кемадамиз, ҳаммамиз биргамиз, бир саҳифадамиз. Биз нимага қараб ҳаракатланаётганимизни биламиз.
Бу узоқ муддатли лойиҳа ва биз жараённи яхшилашда давом этишимиз керак.
Биз иккита жуда қийин сафар ўйинини ўтказдик ва биз бирдамлик ва руҳни кўрсатдик, лекин футболчилар ҳам ишончлари борлигини кўрсатишди", - деди Тен Хаг Sky Sports билан суҳбатда.
