"Вулверхэмптон" бош мураббийи Гари О'Нил янги мавсумни даҳшатли бошлаганига қарамай, ҳали ишдан бўшатиш хавфи остида эмас.
Ўтган шанба куни "Вулверхэмптон" "Брентфорд"да 5:3 ҳисобида мағлуб бўлди ва бу сафарга келган мухлислар ўз жамоаси ва унинг мураббийидан қаттиқ норози бўлишди.
"Бўрилар" айни дамда Премьер-лигада сўнгги ўринни эгаллаб туришибди, дастлабки еттита ўйиннинг бирортасида ҳам ғалаба қозонмаган ва 21та гол ўтказиб юбормаган.
Дарҳақиқат, "Вулверхэмптон"нинг ўйинида пасайиш ўтган мавсум охирида бошланган ва О'Нил шогирдлари Премьер-лигадаги сўнгги 17 учрашувда фақат битта ғалаба билан мақтанишлари мумкин.
Бироқ, The Telegraph нашрининг таъкидлашича, О'Нил "Вулверхэмптон" раҳбарияти томонидан тўлиқ қўллаб-қувватланмоқда. Клубдагилар Гари вазиятни ўзгартириш учун вақтга эга деб ҳисоблашади.
Бундан ташқари, 41 ёшли англиялик мураббий "бўрилар" билан август ойида тўрт йиллик янги шартнома имзолади.
