"Vulverxempton" bosh murabbiyi Gari O'Nil yangi mavsumni dahshatli boshlaganiga qaramay, hali ishdan bo‘shatish xavfi ostida emas.
O‘tgan shanba kuni "Vulverxempton" "Brentford"da 5:3 hisobida mag‘lub bo‘ldi va bu safarga kelgan muxlislar o‘z jamoasi va uning murabbiyidan qattiq norozi bo‘lishdi.
"Bo‘rilar" ayni damda Premyer-ligada so‘nggi o‘rinni egallab turishibdi, dastlabki yettita o‘yinning birortasida ham g‘alaba qozonmagan va 21ta gol o‘tkazib yubormagan.
Darhaqiqat, "Vulverxempton"ning o‘yinida pasayish o‘tgan mavsum oxirida boshlangan va O'Nil shogirdlari Premyer-ligadagi so‘nggi 17 uchrashuvda faqat bitta g‘alaba bilan maqtanishlari mumkin.
Biroq, The Telegraph nashrining ta’kidlashicha, O'Nil "Vulverxempton" rahbariyati tomonidan to‘liq qo‘llab-quvvatlanmoqda. Klubdagilar Gari vaziyatni o‘zgartirish uchun vaqtga ega deb hisoblashadi.
Bundan tashqari, 41 yoshli angliyalik murabbiy "bo‘rilar" bilan avgust oyida to‘rt yillik yangi shartnoma imzoladi.
