Ўзбекистон ёшлар терма жамоаси (U-20) 5 май куни Тошкентда қисқа йиғин бошлади. Аҳмаджон Мусаев ушбу йиғинга 30 нафар футболчини чақирди. Йиғинда кўплаб янги футболчилар ҳам жалб этилишган.

Ёшлар терма жамоасининг йиғини бугун, 7 май куни тугайди. Шу куни жамоа иккига бўлинган ҳолда ўйнайди.

Мусаев жамоасининг навбатдаги йиғини май ойи охирида бўлиб ўтади. 29 ва 31 май кунлари Ироқ ёшлар терма жамоаси (U-20)га қарши иккита ўртоқлик учрашувини ўтказади.

Эслатиб ўтамиз, Ўзбекистон ёшлар терма жамоаси Туркиядаги Жаҳон чемпионатида иштирок этади. «Е» гуруҳида Янги Зеландия, Хорватия ва Уругвай ёшлар терма жамоаларига қарши ўйнайди.

Тошкентдаги йиғинга қуйидаги футболчилар чақирилган:
Дарвозабонлар: Асилбек Омонов (Пахтакор), Сергей Смородин (Андижон), Акмал Турсунбоев (Андижон), Баходир Мирсоатов (Локомотив);
Ҳимоячилар: Тоҳир Шамсиддинов (Гулистон), Сардор Раҳмонов (Локомотив), Бобур Йўлдошев (Локомотив), Жавлон Мирабдуллаев (Бунёдкор), Азамат Абдуллаев (Қизилқум), Искандар Шойқулов (Машъал), Нодир Санақулов (Динамо);
Ярим ҳимоячилар: Аббосбек Махсталиев (Пахтакор), Владимир Козак (Пахтакор), Жаҳонгир Абдумўминов (Машъал), Жамшид Искандеров (Пахтакор), Сергей Рекун (Пахтакор), Сардор Собирхўжаев (Бунёдкор), Ихтиёр Тошпўлатов (Машъал), Муҳсин Убайдуллаев (Пахтакор), Диёр Туропов (Олмалиқ), Нурбек Нуриддинов (Локомотив), Алишер Шоғуломов (Гулистон), Камрон Кападзе (Бунёдкор), Шоҳназар Норбеков (Металлург), Баҳодир Мирзараҳимов (Пахтакор);
Ҳужумчилар: Абдул Азиз Юсупов (Пахтакор), Тимур Ҳакимов (Андижон), Игорь Сергеев (Пахтакор), Забиҳилло Ўринбоев (Бунёдкор), Жасур Ҳакимов (Пахтакор).