"Бавария" Германия чемпионатининг 6-турида Франкфуртнинг "Айнтрахт"ига (3:3) қарши ўйинда алмаштирилган ҳужумчи Харри Кейннинг саломатлиги ҳақида гапирди.

"Англия футбол терма жамоаси шифокорлари томонидан ўтказилган текширув Харри Кейннинг жиддий жароҳати йўқлигини кўрсатди. Якшанба оқшомида Бундеслига доирасидаги "Айнтрахт"га қарши ўйинда жароҳати туфайли алмаштирилган "Бавария" ҳужумчиси Англия терма жамоасининг бўлажак халқаро ўйинларда иштирок этишини давом эттиради", - дейилади "Бавария" расмий сайти хабарида.

Германия чемпионатининг жорий мавсумида Кейн олтита ўйинда қатнашиб, бешта гол урди ва бешта голли узатмани амалга оширди.