Мадриднинг “Реал” клуби қишки трансфер ойнасида “Ливерпуль” ҳимоячиси Трент Александер-Арнольдни сотиб олмоқчи, дея хабар беради Marca.
Манбага кўра, Трент масаласида "Реал" "Бавария"дан Альфонсо Дэвис билан бўлган стратегияга амал қилмоқчи, яъни, футболчи билан ҳеч қандай қоида бузмаган ҳолда музокараларни бошлаш учун январгача кутиш ва таклиф билан чиқиш ниятида.
Манба, шунингдек, Александер-Арнольднинг ўзи "Ливерпуль" билан янги йилга қадар шартнома узайтириш борасида бир қарорга келишни истамаслигини айтди. Бу масалада Арне Слот бошчилигидаги жамоанинг яқин келажакдаги натижалари ўз таъсирини ўтказиши мумкин.
Жорий мавсумда 26 ёшли Трент “Ливерпуль” сафида АПЛда 7 та ўйин ўтказиб, битта голли узатмани амалга оширди.
