Англия футбол ассосиасияси "Плимут" бош мураббийи Уэйн Рунига қарши айблов эълон қилди.
Гап Рунининг шанба куни бўлиб ўтган "Блэкберн"га қарши ўйин (2:1) якунида олган қизил карточкаси ҳақида кетмоқда. Мутахассис рақиб жамоа гол урганидан кейин эмоционал муносабат билдиргани учун майдондан четлатилди.
"Мураббий ўзини ноўрин тутган ва/ёки ҳакамга нисбатан ҳақоратли ва/ёки беҳаё сўзларни ишлатган бўлиши мумкин", - дейилади FA баёнотида.
Руни, шунингдек, эҳтимолий зўравонлик ва қизил карточка олиб, майдонга қайтганликда айбланган. Мураббий 15 октябргача бу айбловларга жавоб бериши керак. Айни дамда “Плимут” Чемпионшип турнир жадвалида 14-ўринни эгаллаб турибди.
