"Фулхэм", "Вулверхэмптон", "Ипсвич" клублари "Ливерпул"нинг 31 ёшли ҳимоячиси Ватару Эндога қизиқиш билдирмоқда.
Манбанинг хабарига кўра, мерсисайдликлар япониялик футболчи учун 15-20 миллион евро миқдоридаги таклифларни кўриб чиқишга тайёр. Таъкидланишича, Эндо доимий равишда ўйин муддатини оладиган клубга ўтмоқчи.
Жорий мавсумда ярим ҳимоячи барча мусобақаларда тўртта учрашувда қатнашиб, 85 дақиқани майдонда ўтказди. Футболчининг клуб билан амалдаги меҳнат шартномаси 2027 йилнинг ёзига қадар амал қилади.
