Қанот вингери Лерой Саненинг "Бавария" билан амалдаги шартномаси 2024/2025 йилги мавсум охиригача амал қилади. Ҳамма нарса футболчининг шартномани узайтирмаслигига қараб кетмоқда, чунки ҳозир у асосий таркибнинг мустаҳкам ўйинчиси эмас. Жорий мавсумда Сане мюнхенликлар сафида бирор марта ҳам асосий таркибга киритилмаган.

Todofichajes порталига кўра, "Ньюкасл" Сане билан шартнома имзоламоқчи. Саудиялик хўжайинларнинг пуллари эвазига январда 29 ёшга тўладиган футболчи учун курашда "қарғалар" устунликка эга.

Хабарингиз бор, Лерой Сане бунгача Англияда ўйнаган - 2016-2020 йилларда у "Манчестер Сити" шарафини ҳимоя қилган.