Ҳаммаси Эрик тен Хагнинг «МЮ» бош мураббийи сифатида ишлашда давом этиши томон кетмоқда. Журналист Сэм Сининг ижтимоий тармоқларда хабар беришича, нидерландиялик мутахассис яқин орада ишдан бўшатилмайди.
Манбанинг таъкидлашича, тен Хагга яқин манбалар мутахассис вазиятни ўзгартиришга қодир, деб ҳисоблашади. Эрик «Манчестер Юнайтед»даги вазият ҳозирда клуб стандартларига жавоб бермаслигини тушунади.
«Манчестер Юнайтед» айни дамда АПЛ турнир жадвалида 14-ўринни эгаллаб турибди. Жамоа навбатдаги ўйинни 19 октябрь куни «Брентфорд»га қарши ўтказади.
