"Барселона" дарвозабони Войцех Шесни жамоанинг Чемпионлар лигасида муваффақият қозониш имкониятлари ҳақида ўз фикрини айтди.
34 ёшли польшалик октябрь ойи бошида жароҳат олган Марк-Андре тер Штегеннинг ўрнига каталонияликлар билан шартнома имзолаган эди.
"Барселона" Чемпионлар лигаси фаворитлари қаторидами? Бу турнирда ҳар доим ғалаба қозониш учун ўйнайдиган клублар бор. Бу ерга келганимдан олдин ва кейин кўрганларимга кўра, "Барселона" жуда яхши жамоага эга, жуда ёш. Ишончим комилки, ҳамма совринларни ютиш учун 100 фоиз борини беради.
"Барселона" бу мавсумда Чемпионлар лигасида ғалаба қозона олмаса ҳам, клубнинг келажаги порлоқ. Кўряпманки, 17, 18 ва 19 ёшли барча футболчилар ҳақиқатан ҳам юқори савиядаги футбол ўйнашади", - дея Шеснининг сўзларини келтиради журналист Альфредо Педулла.
