Ўзбекистон миллий жамоаси ҳимоячиси Рустам Ашурматов Эронга қарши ўйин ва бўлажак рақиблар ҳақида ўз фикрларини билдирди.
«Ўйин яхши ўтди, муҳими биринчи ўринда қолди. Тўғри, ғалаба қозонишимиз ҳам мумкин эди, аммо очко йўқотганимиз билан гуруҳдаги асосий рақибимиздан 1 очко олдик. Натижада хафамиз дея олмайман, аммо хурсанд ҳам эмасмиз. Кейинги ўйинни дисквалификация сабаб аниқ ўтказиб юбораман. Жароҳат бунга сабаб эмас. Бош мураббий йўқлиги албатта таъсир қилади. Мураббийимиз йўқлигини билдирмасликка ҳаракат қилдик. Рақибга ҳурматни сақлаган ҳолда айтаманки, БААни мағлуб этишга мажбурмиз», - деди Ашурматов.
Маълумот учун, Ўзбекистон - БАА учрашуви 15 октябрь куни 19:00 да бошланади.
