Англия футбол ассоциацияси миллий терма жамоага янги мураббий излашда давом этмоқда. Европа чемпионатидан сўнг кўп ўтмай Гарет Саутгейт бу лавозимни тарк этди ва бунгача Англия ёшлар терма жамоасида ишлаган Ли Карсли вақтинчалик жамоани қабул қилиб олди.
Эдди Хау Англия терма жамоаси бош мураббийи бўлиш учун номзодлар рўйхатида. Бироқ, бу мутахассис "Ньюкасл"дан кетишни истамаяпти. Бу ҳақда Telegraph нашри ўз саҳифаларида сўзлаб беради.
Эдди Хау “Ньюкасл”га қарийб уч йилдан бери устозлик қилмоқда. Ўшандан бери 134 учрашувда жамоа 67 ғалаба, 30 дуранг ва 37 мағлубиятга эришган.
