"Бавария" спорт директори Макс Эберль ярим ҳимоячи Жамол Мусиала клубнинг юзига айланиши кераклигини айтди.
"Бу фақат битта учрашув эмас, биз музокаралар олиб бормоқдамиз. У ажойиб ўйинчи ва Жошуа билан бирга у "Бавария"нинг юзи бўлиши керак. Бу ҳақда футболчига ҳам айтдик. Ва энди биз қандай келишувга эришишимиз мумкинлигини кўриб чиқамиз. Мен оптимистман ва унинг "Бавария"ни тарк этишига ҳеч қандай сабаб кўрмаяпман", - дея Эберль сўзларини келтиради Goal.
Мусиаланинг "Бавария" билан амалдаги шартномаси 2026 йилнинг ёзига қадар тузилган. Жорий мавсумда ярим ҳимоячи барча мусобақаларда саккизта ўйинда қатнашиб, учта гол ва учта голли узатмани амалга оширди.
