Германия терма жамоаси бош мураббийи Юлиан Нагельсманн келгусидаги режалари ҳақида гапирди.

Мутахассиснинг амалдаги шартномаси 2026 йилги жаҳон чемпионатидан кейин тугайди, бироқ Германия футбол ассоциацияси шартномани узайтирмоқчи.

«Ишлашни бошлаганингизда, сизда қандайдир ишонч пайдо бўлади. Биз Еврони яхши ўтказишга муваффақ бўлдик ва футбол нуқтаи назаридан кўп нарсага эришдик. 2026 йилдан кейин ҳам ҳамкорликни давом эттирамизми ёки йўқми, ҳозирча билмайман, лекин мен бу лавозимда ўзимни жуда қулай ҳис қиляпман», - дея ўтган йилнинг сентябридан бери Германия терма жамоасини бошқариб келаётган Нагельсманнинг сўзларидан иқтибос келтиради "Bayern & Germany".