"Рома" ярим ҳимоячиси Леандро Паредес 2025 йилнинг ёзида жамоани тарк этиши мумкин, деб ёзади Николо Скира.

30 ёшли аргентиналик футболчининг шартномаси 30 июнга қадар мўлжалланган ва "бўрилар" бош мураббийи Иван Юрич уни жамоанинг асосий футболчиси деб ҳисобламайди. Шунга қарамай, Паредес маълум сондаги ўйинларда майдонга тушса ва жамоа маълум миқдордаги голлар урса, унинг шартномаси автоматик равишда 2026 йилгача узайтирилиши эҳтимоли бор.

Леандро 2023 йилнинг ёзида 2,5 миллион евро эвазига "Рома"га ўтган эди. Жорий мавсумда у 5 учрашувда 1 та голли узатмани амалга оширди.