Туркманистон футбол федерацияси Россиянинг қатор ОАВда, хусусан, Спорт24 сайтида “Туркманистон терма жамоаси ноябрь ойида Россия терма жамоаси билан ўртоқлик ўйинини ўтказишдан бош тортди” сарлавҳаси остида ёлғон маълумотлар тарқатилганига эътибор қаратмоқда.

Шу масалага туркман ОАВ ойдинлик киритди. "Туркманистон футбол федерацияси ва Россия футбол иттифоқи расмий вакиллари жорий йил давомида ўртоқлик ўйинлари ўтказиш бўйича музокаралар ўтказмаганини маълум қиламиз.

Айни пайтда Туркманистон терма жамоаси 2027 йилги Осиё Кубоги 3-саралаш босқичи ўйинларига режали тайёргарлик кўрмоқда. Ноябрь ойида ҳам етакчи футбол жамоалари билан ўзаро тажриба алмашиш бўйича қатор тадбирлар ўтказишни режалаштирганмиз, бу эса, шубҳасиз, дўстона муносабатларни мустаҳкамлаш ва мамлакатимизда футболни ривожлантиришга хизмат қилади.

Туркманистон футбол федерацияси оммавий ахборот воситаларини ахборотни чоп этишда масъулият билан ёндашишга чақиради ва Туркманистон футболини ривожлантириш билан боғлиқ ҳар қандай масалаларга ойдинлик киритиш учун очиқ мулоқотга доимо тайёр", – дейилади баёнотда.