"Ливерпул"нинг собиқ футболчиси Жон Олдридж "мерсисайдликлар" жамоаси ҳужумчиси Муҳаммад Салоҳнинг келажаги ҳақида фикр билдирди.
"Салоҳ янги шартнома имзолайди деб ўйламайман. У қайси клубни танлашини билмайман, аммо эркин агент сифатида Муҳаммад кўп пулга ишониши мумкин. Агар ҳаммаси жойида бўлса, мен у учун фақат хурсанд бўламан. У "Ливерпул"га борини берди" - деди Олдридж Liverpool Echo нашрига.
Эслатиб ўтамиз, мисрлик форвард 2017 йилдан бери "мерсисайдликлар" шарафини ҳимоя қилиб келмоқда. Англия Премьер-лигасининг жорий мавсумида 32 ёшли ҳужумчи 7 та ўйин ўтказиб, 4 та гол урди ва 4 та голли узатмани амалга оширди.
