Альфонсо Дэвис "Бавария" билан шартномасини узайтириши мумкин.
Bayern&Germany нашри хабар беришича, мюнхенликлар ҳали ҳам Дэвис билан 2025 йилнинг ёзида тугайдиган шартномани узайтиришдан манфаатдор. Қарор ҳимоячининг илтимосига боғлиқ бўлади - ўтган ёзда "Бавария" раҳбарияти канадалик футболчининг маош талабини жуда юқори деб ҳисоблаган.
Январь ойида, шартномаси тугашига олти ой қолганда, Дэвис бошқа клублар билан музокараларни бошлаши мумкин бўлади. Ҳимоячига "Реал", "Манчестер Юнайтед" ва бошқа бир қатор топ-клублар қизиқиш билдирмоқда.
Жорий мавсумда Дэвис Бундеслигада “Бавария” сафида 5 та ўйин ўтказиб, бирорта ҳам гол урмаган.
