Қозоғистон терма жамоаси бош мураббийи Станислав Черчесов ноқулай аҳволга тушиб қолди.
Миллатлар лигаси доирасидаги Словенияга (0:1) қарши ўйиндан сўнг ташкил этилган матбуот анжуманида журналист Қозоғистон терма жамоаси бош мураббийига қозоқ тилида савол берди. Бунга жавобан россиялик мураббий журналистдан: "Сиз ҳозир французча гапирасизми?" - деди.
Қозоғистон футбол федерацияси журналист Бегасил Сейиткановнинг Франциянинг "ПСЖ" либосини кийиб олганини маълум қилди ва бош мураббий саволга бироз ҳазил билан жавоб берди.
