Испания чемпионати доирасидаги «Реал» ҳамда «Малага» жамоалари ўйинда пойтахтликларнинг 6:2 ҳисобида ғалаба қозонгани ҳақида хабар берган эдик. Бу мадридликларнинг Испания чемпионатида ўз майдонида қўлга киритган 1000-ғалабаси бўлди.
«Бланкос» бу маррага биринчи бўлиб етиб келди. «Реал» Испания премьеросида 82 мавсумни ўтказган. Шу вақт давомида ўз майдонида 1000 марта ғалаба қозонган, 188 марта дурангга эришган ва яна 116 учрашувда «Бернабео»ни боши хам ҳолда тарк этган.
Бу борада энг яқин таъқибчи «Барселона» чемпионатда ўз майдонида 984 ғалабага эришган. «Атлетик» ҳисобида 823 ғалаба мавжуд. «Валенсия» ва «Атлетико» мос равишда 807 ва 789тадан ғалаба қозонишган.