"Манчестер Юнайтед"нинг собиқ ҳимоячиси Рио Фердинанднинг фикрича, англиялик футболчилар германиялик мутахассис Томас Тухель билан ишлашдан завқланишади. Аввалроқ Тухель Англия терма жамоасини бошқаришга рози бўлгани хабар қилинганди.
"Ўйлайманки, футболчилар хурсанд бўлишади. Ишончим комилки, улар Томас бирга ишлаган одамларга қўнғироқ қилиб, унинг қандайлигини сўрашади. Футболчилар дастлаб ўзларига шубҳа қилишларини инкор этиб бўлмайди, аммо вақт ўтиши билан Тухель улардан баъзиларини руҳлантиради. Ишонаманки, у биринчи куниёқ футболчиларга кубокни қандай қўлга киритишни режалаштираётганини айтиб беради", — дейди Фердинанд.
51 ёшли Тухелнинг охирги иш жойи "Бавария" бўлиб, у 2023 йилнинг мартидан 2024 йилнинг июнигача бошқарган.
