"Манчестер Юнайтед" "Бавария"нинг яна бир футболчисини ўзига жалб қилмоқчи.
Ўтган ёзда "қизил иблислар" Мюнхен клубида тўп тепган Нуссаир Мазрауи ва Маттейс де Лигт билан шартнома имзолаганди. Sky Germany хабарига кўра, Альфонсо Дэвис жорий мавсум якунланганидан кейин худди шундай йўлдан бориши мумкин. Канадалик футболчи "Манчестер Юнайтед"нинг 2025 йилдаги асосий трансфер мақсадига айланди.
23 ёшли чап қанот ҳимоячисининг "Бавария" билан шартномаси июнь ойи охирида тугайди, шунинг учун у билан текинга шартнома имзоланиши мумкин. "Реал Мадрид" узоқ вақтдан бери Дэвисга асосий даъвогар саналиб келмоқда.
