Миланнинг “Интер” клубида ўйнаётган италиялик ярим ҳимоячи Николо Барелла фаолиятини Англия премьер-лигасининг топ-клубида давом эттириш имкониятига эга.
Бу ҳақда Todofichajes хабар бермоқда.
Журналистларнинг фикрига кўра, "Ливерпуль" 27 ёшли ярим ҳимоячини ўз сафига қўшиб олмоқчи. Барелланинг эҳтимолий трансфери 80 миллион еврога баҳоланмоқда.
Унинг "нерадзуррилар" билан шартномаси 2029 йилнинг июнь ойи охиригача амал қилади. Олдинроқ матбуотда Николога АПЛнинг бошқа бир гиганти «Манчестер Сити» ҳам қизиқиш билдираётгани ҳақида хабарлар тарқалганди.
