«ПСЖ» Луис Энрикенинг бош мураббий сифатидаги фаолиятидан мамнун. Журналист Абделла Булманинг ижтимоий тармоқларда хабар беришича, парижликлар клуби аллақачон испаниялик мутахассис билан шартномани яна икки йилга узайтиришга келишиб олган.
Луис Энрике 2023 йилнинг ёзида «ПСЖ»ни қабул қилиб олганди. Ўшандан бери жамоа 62 та расмий ўйин ўтказиб, уларда 40 ғалаба, 14 дуранг ва 8 та мағлубият қайд этган. Парижликлар айни дамда Лига 1 турнир жадвалида «Монако»дан икки очко ортда қолиб, иккинчи ўринни эгаллаб турибди.
