Эрик тен Хаг ҳали ҳам Френки де Йонг билан "Манчестер Юнайтед"да учрашишни орзу қилади.
"Қизил иблислар" бир неча йиллардан буён нидерландиялик футболчига асосий даъвогар саналади, бироқ улар келишувга эриша олишмаяпти – футболчи "Барселона"ни тарк этишни истамаяпти. Журналист Жорди Хилнинг ёзишича, манкунианликлар устози аввалги рад жавобларига қарамай, де Йонгнинг трансферини якунлашдан умидвор. Агар шу вақтгача бош мураббий ишдан бўшатилмаса, трансфер январь ойидаёқ амалга ошиши мумкин.
Френки де Йонг Эрик тен Хаг билан "Аякс" клубида бирга ишлаган. 27 ёшли ярим ҳимоячининг Transfermarkt порталидаги нархи 60 миллион еврони ташкил қилади.
