"Брентфорд" бош мураббийи Томас Франк Эрик тен Хагнинг "Манчестер Юнайтед"даги позицияси ҳақида фикр билдирди.
Шанба куни бўлиб ўтадиган Премьер-лиганинг "асаларилар"га қарши ўйини "қизил иблислар"нинг нидерландиялик устози тақдирини ҳал қилиши мумкин - агар у мағлуб бўлса, катта эҳтимол билан истеъфога чиқарилади.
"Тен Хаг яхши мураббий эканлигига шубҳа йўқ. Икки мавсумда иккита соврин ютишни уддалади. Лекин мен бу қандай содир бўлишини биламан: агар жамоа ғалаба қозонса, мураббий фантастик ҳисобланади, ютқазса, улар мураббийни ёмон деб ҳисоблашади.
Тен Хагга қанчалик катта эътибор қаратилаётгани ҳайратланарли. Мен бу вазиятда бўлиш нимани англатишини тушунаман. Менимча, у жуда кўп танқид қилинмоқда", - дея Франкнинг сўзларидан иқтибос келтиради UtdDistrict.
