"Манчестер Юнайтед" "Лейпциг" ҳужумчиси Бенжамин Шешкога қизиқиш билдирмоқда.
"МЮ" ўтган ёзда "Болонья"дан Жошуа Зиркзени 36,5 миллион фунтга сотиб олди ва бир йил аввал бошқа ҳужумчи учун 73 миллион фунт сарфлаб, "Аталанта"дан Расмус Хёйлундни олиб келди.
Ушбу икки трансферга қарамай, "Манчестер Юнайтед" ҳали ҳам гол урадиган ҳужумчига ёлчимаяпти, шу сабабдан раҳбарияти Шешко каби ҳужумчини сотиб олишни ўйламоқда.
Шешко ўтган ёзда "Лейпциг"га ўтди ва "Арсенал"нинг қизиқишини рад этди, аммо Daily Mail нашри Бенжаминни бир мавсумдан кейин Бундеслига клубини тарк этишини кутмоқда.
Шешко келаси ёзда янги клубни танлаганида, Чемпионлар лигасида ўйнаш имконияти катта аҳамиятга эга бўлади, бу ерда "Манчестер Юнайтед" мавсумни ҳалокатли бошлаганидан кейин ўйнаш қийин бўлади.
Жорий мавсумда 21 ёшли словениялик футболчи Бундеслига ва Чемпионлар лигасининг саккизта учрашувида “Лейпциг” сафида бешта гол урди.
